Home » A.T.A. Patrosinador Principal di e di 6 edicion di KLM Aruba Marathon

A.T.A. Patrosinador Principal di e di 6 edicion di KLM Aruba Marathon

by Admin
0 comment 100 views

Pa di seis aña consecutivo, A.T.A. orguyosamente ta fungi como patrocinador principal di e di 6 edicion di KLM Aruba Marathon. Un Marathon cu ta wordo organisa na un nivel halto cu ta conta cu  certificacion di AIMS/World Athletics, y cu ta conta cu cualificacion pa Marathon di Boston y Abbott World Marathon Majors Wanda Age Group World Championships. 

 

E evento aki lo conta cu rondo di 2550 participante, di cual rondo di 600 participante internacional cu ta origina for di 32 diferente pais. Esaki ta inclui coredo di marathon cu ta famoso mundialmente y conoci den e mundo di marathon internacional cu record mundial y experiencia extenso.

 

“Nos ta sumamente orguyoso pa patrocina KLM Aruba Marathon pa e di seis aña consecutivo,” tabata palabra di Ronella Croes CEO di A.T.A. “E marathon aki ta promove nos isla for di un angulo diferente, y tambe ta cuadra cu e vision di High Value – Low Impact cu nos a bin ta comunica. Nos ta en espera di ricibi e participantenan aki na nos Isla Feliz pa un ‘Run-cation’ inolvidabel.”

 

Uni y apoya participantenan di KLM Aruba Marathon dia 1 y 2 di juni 2024 durante di e 5K, 10K, 21.1K, y 42.2K cu lo cuminsa y termina dilanti di Hilton Caribbean Resort . Celebra un evento extraordinario cu ta conta cu e mescla perfecto di deporte y paraiso. 

 

Pa mas informacion of registracion bishita www.klmarubamarathon.com.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio