Kustwacht – Potret por ta grafico: Turtuga sin bida haya ta drief na Eagle

Advertencia pa boto nan den vecindario di Eagle Beach. Un turtuga grandi sin bida ta drif riba awa.

E potret por ta grafico pa algun persona.

A tuma nota di un turtuga sumamente grandi (sin bida) ta drif riba awa den area di Eagle Beach. Wardacosta a mira e turtuga, y a ripara cu posiblemente un boto a dal den dje. Basa riba e grandura, ta calcula cu e turtuga ta pisa aproximadamente 200 kilo. E mensahe aki ta pa adverti tur boto den bisindario pa tene cuenta cu esaki pa evita di dal den dje, cu lo por posiblemente causa daño na e boto.