“Nan a pompa mi”: Chauffeur tawata bisa despues cu ela bolter cu auto na Solito

Solito – Diadomingo marduga pa mas o menos 4’or un auto a bolter den porta di un bar restaurant situa na Solito.

Segun nos a compronde e vehiculo aki tawata bayendo direccion nort ariba e caminda di Solito.

Na yegada di polis nan a topa e vehiculo completamente destrui ariba su dak. Durante cu e auto a bolter ela dal dos otro auto staciona dilanti e bar restaurant, di cual un di e autonan ta di doño.

Por a scucha e chauffeur bisa e agentenan algo cu nan a pompa su persona, kiko exactamente elo kiermen no ta duidelijk.

Agentenan a sigui e protocol y a lage supla, unda cu ela surpasa e limite stipula pa ley. Ela wordo deteni y transporta pa warda.

E chauffeur a resulta levemente herida cu algun rasca na su man.

Daño material si ta hopi grandi.