Djabièrnè 13 di desèmber 2019, den oranan tempran di mainta riba òrdu di Ministerio Públiko, e tim di reshèrshi (VVC) stashoná na warda di polis di Montaña, konhuntamente ku personal di warda di Polis Montaña i e tim di mantenshon di órdu públiko a tene diestres (13) entrada hudisial. E entradanan hudisial aki ta relashoná ku búskeda di sospechoshonan ku ta sospechá di a kometé diferente delitonan.
Durante di e investigashon aki, na kuater (4) diferente adrès a bin topa ku seis (6) sospechoso ku a keda detené. Ta trata di e hòmbernan:
• A.B. di 34 aña di edat, nase na Kòrsou; en konekshon ku maltrato, menasa i violashon di
espasio;
• M.C. di 22 aña di edat, nase na Kòrsou; en konekshon ku destrukshon i
• L.R. di 28 aña di edat, nase na Repúblika Dominicana; en konekshon ku destrukshon. E hende muhénan:
• D.B. di 52 aña di edat, nase na Kòrsou; en konekshon ku maltrato i menasa;
• S.R. di 44 aña di edat, nase na Repúblika Dominicana; en konekshon ku maltrato, menasa i destrukshon;
• M.M. di 39 aña di edat, nase na Repúblika Dominicana; en konekshon ku maltrato. A presentá e sospechosonan dilanti di un Fiskal Ouksiliar, ku a ordená enkarselamentu di A.B. i S.R. pendiente di mas investigashon. E otro sospechosonan a rekobrá nan libertat despues di interogashon. E tim di reshèrshi aki lo kontinuá ku investigashonnan relashoná ku e diferente delitonan kometé.