Watty Vos Boulevard – Diabierna atardi polis y ambulance a wordo notifica cu auto a dal un ciclista ariba Watty Vos Boulevard.
Mesora cu e accidente aki a sosode trafico a stagna completamente.
Tawata algo prome cu 3’or cu polis a cuminsa bay direccion Watty Vos Boulevard, pa un ciclista cu a wordo gedal door di auto.
Na yegada autoridad ta topa un hobencito(11) ariba e caminda grandi, y varios persona rond di dje.
Algun meter otro banda un bicicleta benta.
Loke por a comprnde na e sitio tawata cu e hobencito aki lo a crusa caminda for di e casnan di FCCA banda di pabou.
Ela logra crusa un via loke ta algo peligroso debi cu ta un Highway e ta. Momento cu a yega pa crusa e otro banda aki suerte a caba y un auto ta dale fracturando un pia.
E auto cu a dale ta un Toyota Yaris, por mira cu e mucha lo a dal ariba e hood.
Na yegada di Departamento di trafico nan a desvia e trafico cu a stagna pa por a conduci nan investigacion.
Mientrastanto Paramediconan cu a yega e sitio a transporta e criatura pa Hospital.
Na tur mayor cu ta biba cerca di e caminda aki, mester tin bista y papia cu e muchanan cu ta banda di panort mester crusa y no memey di e caminda, por tin consecuencianan fatal pa cualkier persona cu no pone debido atencion momento di crusa. Debi na velocidad halto di vehiculonan cu ta trafica eyriba.