St.Vincentweg – Diahuebs mainta den careda di 11’or polis y tambe Mobile di Ambulance a presenta na St.Vincent, unda e conoci di Polis a.k.a Calbas(15) a maltrata su ruman muhe.
Na e sitio nos a compronde di e wela cu e Calbas ta un mucha masha problematico mes.
Elo a yega na e adres y sin un motibo valido a cuminsa busca problema.
Dado momento e wela a scucha grito di e nieta y a yega haya baña na sanger. Ela bisa e wela cu e Calbas a dale cu un pida palo den ariba su nanishi.
Mesora cu a yama polis Calbas a core bay.
Polisnan ta man na cabes cu e hoben di 15 aña aki. Ta multiple caso tin contra e mucha aki cu posiblemente lo por ta sufri di un of otro enfermedad mental.
Algun tempo atras den Caya Papa Juan Pablo Dos (Rondweg) ela pasa dilanti un cas y a dal un cacho den cura di cas un biga ariba su cabes mate.
Tanto Transportwagen y patruya a keda circula den area di Tarabana y Dakota buscando e hoben peligroso aki.
Algo mester por wordo haci cu e mucha aki prome e mata un persona.