Manera ta costumber, Diamars ta un dia clave cu autoridad sa haci Entradanan Oficial y awe un biaha mas a keda demostra esaki.
Mahuma/Boegoeroei: Diamars den oranan di mainta trempan a keda demostra esey. Autoridad Hulandes y local a drenta dos propiedad cu ta pertenece na e famia van Kessel, kendenan ta doño di Van Kessel Construction. Aparentemente lo ta trata di un investigacion internacional.
Muy probablemente lo ta trata di un investigacion riba un persona yega na e famia, of ta miembro di e famia aki.
Na e werkplaats na Mahuma, un team special consistiendo di autoridad hulandes y local a drenta. E team aki a haci uso di K-9 y tambe por a mira varios hulandes cu v car na e sitio.
Na Boegoeroei na e Residencia di Van Kessel, tambe nan a drenta, hunto cu agentenan policial local cu ta laborando den RST y tambe te hasta por a mira agentenan di Observatie Team na e sitio.
Na ambos propiedad autoridad a confisca varios articulo, entre otro computernan, documentonan y hopi mas material.
Tur esaki nan a keda confisca pa asina nan por sigui cu nan investigacionnan. Nos ta keda pendiente pa cualke informacion oficial for di Ministerio Publico.