Hende a pensa cu e tawata morto

Zandstraat – Diamars mainta trempan polis y ambulance tawata presente patras di Botica Oduber, unda tin un homber ariba acera drumi.

Na e sitio no por a constata kiko a pasa e homber y tampoco tawata reacciona, esaki tawata e motibo cu ambulance a ser pidi.

Despues di algun rato e Paramediconan a constata cu e homber ta na bida, pero cu ta bou influencia e ta.

E momento eynan cu ela medio spierta ela bira fastioso tambe y lo no tawata desea asistencia di Paramediconan.

Aki ta unda cu polis tawata tin suficiente motibo pa a detene y bay warda cune.