Santa Cruz– Comision di Mayor conhuntamente cu e maestranan di Trupial Kleuterschool kier comparti un poco di informacion di e caminata di e anja aki. Esaki ta nos di 14 caminata anual cu nos ta organisa pa recauda fondo pa nos scol. E caminata aki ta tuma lugar diasabra 2 di november 2019 y ta sali 5.30pm for di ex-Hulpbestuurskantoor na Santa Cruz y lo termina mesun caminda. Ta bay tin dos ruta. Uno largo di 5km y uno mas cortico ya muchanan y full famia por bin core of cana y pasa un rato ameno y aporta na nos scol. Riba cada ruta tin post di awa. Pa 5.00pm lo cuminsa cu un zumba warm up. Registracion ta cuminsa 4:00pm. Mester registra pa ricibi un ticket pa participa den e tombola pa asina tin chens di gana un di e tremendo premionan. Meta di e caminata e aña aki ta pa recauda fondo pa por cuminsa pone solar panel pa nos scol. Ya por cuminsa baha gasto di coriente. Ya cu full nos scol ta airco. Ticket ta solamenta afl 5 y ta obtenibel cerca tur mayor di e alumnonan na nos scol y tambe serca tur e maestranan. Tambe por pasa na Trupial Kleuterschool mes. Por yama school na 5852250 entre 8:00am y 1:00pm. Pueblo di Aruba cumpra bo ticket pa solamente afl 5 y aporta na nos scol y ban cana diasabra dia 2 di november pa yuda nos scol, Trupial Kleuterschool.