Regeling nobo na Rotterdam, cual lo ta UN BON IDEA PA ARUBA TAMBE
Un idea sublime pa trata na caba cu e cantidad di arma di candela cu tin den circulacion tambe na Aruba. Laga e pueblo basha bou y si enberdad topa cu e persona con la mano en la masa, por detene y e esun cu a basha bou ta haya un cachi, cachi, pa fin di aña. Esaki no solamente ta un regeling pa regala pueblo placa, pero sigur ta un regeling cu lo por yuda baha e criminalidad. Aruba su ventaha ta, cu e ta un isla chikito y casi tur hende conoce otro, facil pa haya sa ken y unda lo por tin arma di candela.
Asesinato y reglamento di cuenta cu arma di candela ta bayendo dia pa dia for di man na Hulanda. Husticia Hulandes man na Cabes.
Polis di Rotterdam a bin cu un deal, pa asina trata na baha e cantidad di arma di candela cu lo tin den circulacion den nan cuidad.
Rotterdam, Hulanda: Polis di Rotterdam, Diahuebs durante dia a bin cu un plan pa caba cu e criminalidad creciente den cual arma di candela mayoria parti ta wordo usa. Polis lo rencompensa tur persona cu 750 Euro pa tipsnan cu por conduci na hayazgo di armanan di candela den nan cuidad.
Asina Ministerio Publico a informa Diahuebs durante dia a informa, Esaki ta un medida cu a wordo tuma despues di tanto caso di tiramento ultimamente na Rotterdam.
Personanan cu ta bon na altura cu un otro persona tin un arma di candela den su posession, por tip TCI ( Team Criminele Inlichtig) esaki lo wordo atende confidencialmente. Dependiendo di e arma di candela cu nan confisca door di tipsnan ricibi, e personanan lo ricibi nan 750 Euro como rencompensa.
Pa haci mas propaganda, pa haya miho aceptacion den pueblo y alabes haya mas chens pa informa e pueblo di e areglo di tips aki, Polis di Rotterdam hunto cu Ministerio Publico a dicidi cu e projecto aki lo drenta na vigor, dia 1 di oktober 2019.
Un areglo unico pa trata na combati criminalidad cu mayoria parti arma di candela ta wordo usa.
Tambe banda di e regeling aki, nan a bin cu un otro regeling cu si a bay mesora na vigor, cu ta bisa, cu Polis ki ora di dia y unda cu ta, oranan nan topa un persona cu ta conoci pa ta (vuurwapengevaarlijk) den posesion di arma di candela, polis mester par’e y rist’e. Especialmente personanan cu ta conoci pa Oficier van Justitie, zogenaamd ‘veiligheidsrisicosubject’.
E regelingnan aki, segun Ministerio Publico, unico na Hulanda.