Husticia na Aruba mustrando cu nan ta solidario cu Husticia y abogadonan na Hulanda cu a perde un colega abogado, Derk Wiersum.
Bandera halfstok na edificio di Corte di Hustica y tambe na e edificio di Ministerio Publico, esaki despues cu a drenta e informe ayera, cu e abogado Derk Wiersum kende na bida tabata pleita casonan penal, inhustamente a wordo likida na su cas dilanti di su señora. E abogado Wiersum haciendo su trabou inocentemente a wordo likida pa baho mundo pa motibo cu e ta defendiendo un testigo principal den un caso hopi grandi contra e conocido Taghi Ridouan, un caso cu ta wordo yama “Een Monster Zaak”.
Esaki a causa hopi comocion y preocupacion bou di e abogadonan na Hulanda, especialemente, e abogadonan na Amsterdam, caminda e likidacion a tuma lugar.
E Nederlandse orde van advocaten (NOvA) ta den shock, pa motibo cu un abogado eherciendo su function a wordo likida, y tambe e vocero bisa: ” cu nan tin compasion pa cu e famia di e abogado y cu sigur nan lo sigui e investigacion di cerca.”
Premier Mark Rutte (VVD) y CDA, tambe partido den oposicion PVDA a yame ” un atake directamente riba nos Estado di derecho”.
Geert Wilders ta pidi mas protecion pa esnan den function di abogado.
Na maart ultimo Derk Wiersum a habri su mesun bufete di abogado, coleganan a yame un persona, amabel,simpatico, integro y un excellente abogado.
Derk Wiersum ta laga atras su señora y dos yiu chikito.