Oranjestad, —Durante e luna di September Stichting Monumentenfonds Aruba ta celebra su monumentonan protehi pa ley, por medio di diferente actividadnan pa nos comunidad. Un di e actividadnan aki ta e Fiesta di Cunucu cu ta wordo organisa pa Fundacion Museo Arubano y Departmanto di Cultura pa di cinco (5) aña.
Aruba Bank ta patrocina projectonan cultural, manera e Fiesta di Cunucu, cu ta contribui na nos comunidad door di conecta ideanan y individuonan, reflehando y stimulando cambio positivo. E fiesta ta tuma lugar diadomingo, 29 di September, 2019 for di 10’or di mainta pa 3’or di atardi na Cas Tan Tin cu ta situa na Pos Abao #19.
En conexion cu siman di lenguahe di seña nos kier informa cu FEEDA (Fundacion pa Esnan cu Deficiencia Auditivo) y miembronan di e fundacion lo tin un gran variacion di bebida y lo bende esakinan por medio di e lenguahe di seña. E ganashi genera lo bai directamente pa FEEDA.
Aruba Bank ta extende un invitacion na comunidad pa asisti na e evento cultural pa sostene e fundacion y e artistanan local cu lo haci diferente presentacionnan y lo tin nan productonan local na benta.