Kadushi Largo – Diahuebs anochi pa mas o menos 7:40 p.m polis a bay direccion crusada di Kadushi Largo, pa un accidente cu hende herida.
Na yegada polis a topa cu un Hyundai Tucson color blanco hinca den mondi y e otro ta Kia truck cu basta daño material dilanti.
Den e Tucson tawata tin un famia completo, y varios a resulta levemente herida.
Na yegada di e prome unidad di Ambulance cu ta e Rapid Responder, Sr Mohammed a evualua e situacion y a pidi pa dos ambulance.
E chauffeur di e Kia Truck a wordo contro door di e Paramedico, y e no tawata tin mester di Ambulance.
Loke a sosode
E chauffeur di e Kia a caba di traha y tawata bayendo su cas un poco mas pariba na Angochi.
Yegando e crusada e ta wordo gedal door di e Tucson, cu a subi e crusada ariba su man drechi.
E Tucson a dal e Kia Truck cu tawata bayendo pariba, bira cara pabou.
Chauffeur di e Kia despues di e impacto buscando su cellular nobo pa yama avisa su famia, no por a haya esaki.
Ela fia un telefoon pa yama su number, y a resulta cu un persona eybanda lo a pasa man pa su telefoon. Esta a horte.
Cada bes cu yama e number e ta wordo reject, algo hopi lamentabel.
Segun e doño di e cellular Samsung nobo y alabes chaueffeur di e Kia ta e siman aki ela busca e telefoon na Crown. Awor mainta trempan elo mester bay Setar pa asina blokia e number y wipe e Cellular clean.
Na yegada di e dos ambulancenan, a trata tanto mama y tata y un yiu muhe menor di edad, nan tur a subi ambulance. Y na final e unico cu a bay direccion Hospital tawata e chauffeur di e Tucson.
Ambos auto lo mester a wordo hiba nan destino cu Takelwagen.