MACUARIMA, ARUBA: Entrante 2 te cu 8 di september 2019, Polis di bario di Oranjestad lo tene un control severo den e rayon di Oranjestad.
Lo haci accion ariba diferente puntonan importante manera:
1. Control aruba Taxi Pirata hunto cu personal di Departamento transporte público
2. Auto para riba acera den rayon di districto 1 (oranjestad) . Esaki lo ta hunto cu personal di Aruparking .
3. Auto para riba caminda sin platchi number cu ta na benta.
4. Articulo di APV (Algemene Politie Verordening), p.e. awa riba caminda , bebemento rond negoshinan etc.
5. Borchi riba caminda sin permiso
6. Core cu Cellular den man.
Y hopi mas control cu ta ancra den nos ley. Si abo comete un echo castigabel pa ley of kibra un regla, e por ta posibel cu bo por haya un multa of lo bo por wordo deteni. E motibo dicon e proyecto aki a bin dilanti, ta motibo cu a ripara cu no tin diciplina ni respet mas den trafico. Personanan ta kibra reglanan di trafico of di nos ley pa asina nan por yega mas lihe of simplemente no ta respeta nos ley.
Cuerpo Policial Aruba tey pa mantene orden publico y tambe mantene e seguridad di nos pais. Pesey nos lo percura cu e accion nan aki wordo haci pa asina respeta nos ley nos reglanan di trafico.
SEGURIDAD PA ABO Y AMI TA CONTA!