Airco ta wordo usa pa tene un edificio grandi friu, esaki ta aumentando e Emission di Carbon den aire(Contaminacion di Carbon), causando mas daño na medio ambiente.
Ultimo dianan tur caminda ariba noticia sea scirbi, ariba cable of websites nos por a tende di e temperaturanan record na Europa. Algun pais manera Alemania e temperatura a yega 42.5⁰ Celsius, algo nunca antes bisto.
Na Hulanda nos tawata haya informacionnan di temperatura cu a yega 40⁰. Asina nos ta mira cu e clima ta cambiando constantemente, y no pa miho pero pa pio.
Mundo ta bezig ta birando mas y mas cayente, y e aña aki expertonan mundialmente a bira mas preocupa y cu rason.
Mas cayente bira mas Airco edificionan grandi (Skyscrappers) lo mester usa.
Edificionan full na glas, esta nan fachada ta pone cu durante zomer of unda nan ta situa geologicamente ta pone cu nan lo usa mas airco. Esaki ta debi cu e rayonan di solo ta drenta directamente y ta causa paden un ‘Green House Effect’, loke bo no ta desea.
Architectnan a cuminsa mira den e direccion pa cuminsa stop construccionnan di edificionan cu fachadanan di glas. Edificionan grandi usando glasnan standard pa nan fachada, lo mester usa hopi mas energia pa tene un temperatura paden abou, usando mas energia kiermen tambe hopi emission di carbon (polucion) den aire.
Esaki ta conta pa mallnan grandi usando hopi glas tambe, na Aruba tambe por mira algun. Esta cu Mallnan cu ta construi nan fachada di glas, kiermen nan mester usa mas Airco pa fria paden. Na final di luna nan tin un recibo halto tambe di coriente mas cu claro.
Expertonan pa e motibo aki ta pidi pa stop (bann) edificionan cu nan fachada ta puro glas, debi cu no solamente esaki ta dificil pa tene friu paden pero ta caro tambe debi cu mester usa hopi airco. Mas airco significa mas polucion pa nos medio ambiente, cu ya ta den Emergencia.