Corte di husticia na Maroco ta condena dos hulandes (yiu di Korsou y un Dominicano) cu pena di morto relaciona cu un likidacion na un Cafe den e cuidad di Marrakech.
Marrakech, Maroco:E dos homber nan Shardyone Semerel (31) y Edwin Robles Martines (26),a comete e error di nan bida, na momento cu nan a ehecuta e likidacion robes aki, cu a tuma luga den e luna di November 2017, den cual e hoben,Hamza Chaib (26) inocentemente a perde su bida. E victima tabata un studiante di Medicina y tabata yiu di un Magistrado na Corte di Beni Mellal.
Nan target tabata doño di e Cafe La Creme, Mustapha El Fechtali., kende algun minuut prome tabata sinta na e mesun luga unda e victima Hamza Chaib tabata sinta na momento cu ela wordo tira fatalmente, durante e likidacion dos otro persona tambe a keda herida.
Autoridad marocano mesora a cuminsa cu un investigacion extenso, den cual a resulta cu e dos personanan aki di nacionalidad hulandes tabata e sospechosonan principal. E sospechosonan nan apariencia tabata diferente y e cabey di rasta sigur a hala atencion mas aun na Maroco. Hopi lihe autoridad local a pone man riba nan y despues a detene mas sospechoso.
Ambos sopechoso prinicipal a wordo condena cu pena di morto, desde 1993 e pais aki no a ehecuta niun pena di morto mas.
En conexion cu e likidacion aki, autoridad marocano, aña pasa a detene dos persona mas di nacionalidad hulandes, tabata trata di e dos rumannan di e buska pa husticia hulandes, Ridouan Taghi. Ridouan ta na cabes di e Mocro Maffia y ta meti grandemente den traficacion di cocaina.
Mustapha EL Fechtali, tabata e persona cu e dos sospechosonan lo mester a likida, despues di a scapa di a wordo mata, e tambe a wordo deteni y ta sintando un castigo, pa cual no ta conoci.