Oldenbarneveldstraat/Blauwesteeg – Diadomingo anochi polis a bay den e area patras di U-wanna Beer, unda un auto tawata na candela.
Na yegada di polis e auto un Nissan Sentra sin number tawata bou vlamnan grandi.
Hendenan den vecindario lo a purba paga e candela cu un slang di muha mata, pero esaki no a yuda.
Mientrastanto brandweer tawata cu urgencia.
Mesora cu nan a yega nan a baha y cuminsa combati e candela, cu a ya a destrui gran parti di e vehiculo.
Na e sitio por a scucha di e doño cu e auto ta core, pero no a bisa pakiko e ta sin plachi number staciona pafo.
Segun e doño di e auto, un rato prome e adicto femenino yama Mexi Lont lo tawata den cercania di e auto.
Ela sigui conta cu ela bay paden haci algo y ora ela sali bek a haya e auto na candela.
Ta sospecha cu Mexi Lont manera e ta wordo yama, lo ta e persona responsabel di a cende e auto na candela.
E mesun un adicto aki ta sospecha tambe di a cende e adicto Juancho na candela momento cu e tawata den forno di kalki na Ranchostraat.
Tambe e mesun adicto aki Mexi Lont na cuminsamento di luna di mei a cende candela na un oficina den vecindario.
A sorprende nos cu ainda e adicto aki no a wordo deteni pa interogacion. Diasabra atardi varios hende a papia cu nan a mira Mexi core bay for di e forno, despues Juancho ( adicto) tawata na candela.
Diadomingo anochi un otro persona ta sospecha cu Mexi lo a cende su auto na candela.
Por cuminsa mira den e direccion cu Mexi ta actuando manera un Pyromaniac (persona cu ta gusta cende candela)
Pues ta bon pa autoridad papia cune.