Paradera – Dialuna atardi den careda di 6’or Forensys a haya yamada pa bay Citgo Paradera, unda un boksmento a tuma luga y tin Dienstwagen envolvi.
E autonan envolvi tawata un BMW y Hyundai Santa Fe color cla.
Segun chauffeur di e BMW e tawata bay pa sali for di e crusada di Citgo Paradera ora e Santa Fe maneha pa Sra Hassel hefe di Guarda Nos Costa a dal contra su auto.
Na e sitio segun version di e chauffeur di e BMW, Sra Hassel lo tawata coriendo roekeloos debi cu elo a tuma e bocht posiblemente mucho grandi y dal su auto.
Loke a capta atencion tawata cu normalmente tur hende cu haya nan mes envolvi den un boksmento mester bay sinta den e Van di Forensys, di e manera ey nan ta tuma tur bo datosnan.
Dialuna atardi tawata net lo contrario, e agente di Forensys mester a subi den e Santa Fe cu Sra Hassel ta core, y eyden tuma su declaracion.
Ningun rato so Sra Hassel a baha for di e vehiculo. Posiblemente pa su potret no sali den medionan di comunicacion.
Loke ta mas importante ta cu niun hende a resulta herida.