ORANJESTAD, Aruba – Aruba Bank ta partner exclusivo pa di 2 aña consecutivo di e-Aruba Conference 2019. E conferencia lo tuma luga diasabra 8 di Juni 2019, cu top oradornan internacional y local. E edicion di e aña aki lo enfoca riba Social Media, Digital Marketing, Marketing Trends, Entrepreneurship & Innovation, y esaki tambe ta den linea cu desaroyonan cu ta tumando luga na Aruba Bank.
Durante e conferencia di prensa pa lansa e evento aki, sra. Gina Habibe-Arends, ehecutivo di Aruba Bank, a enfoca riba e importancia di Aruba Bank pa sostene eventonan manera e-Aruba, specialmente teniendo na cuenta cambionan global y local cu ta tumando luga den e mercado, caminda e consumidor ta busca solucionnan financiero pa nan negoshi y tambe manera di haci transaccionnan di un forma mas eficiente. Aruba Bank ta keda innova pa por ofrece beneficionan desea cu ta duna balor agrega na e cliente. Pa hopi “e-Commerce” a bira e manera preferi di haci compras pa e posibilidadnan, facilidad y conveniencia cu esaki ta brinda.
Durante e-Aruba Conference 2019, Aruba Bank lo enfoca ariba solucionnan di e-Commerce pa tanto cliente corporativo y tambe pa clientenan personal cu ta desea di haci compras for di e comodidad di nan cas of oficina.
Cu mas di 40 mil carchi di Aruba Bank Mastercard Debit cu Maestro, awor tur cliente por haci uzo di nan y negoshinan na Aruba cu ta desea di ofrece nan productonan riba un website of simplemente ofrece clientenan e habilidad di pago online, por haci esaki cu Aruba Bank.
Registra awe mes pa bo participa na e-Aruba Conference 2019. Ticketnan ta obtenibel na Superfood y online na www.e-aruba.com. Corda bishita e booth di Aruba Bank pa ricibi informacion valioso pa bo negoshi, y keda pendiente pa e sorpresa cu Aruba Bank lo presenta na e publico durante e conferencia aki. Sigui Aruba Bank riba Facebook.