74
Ponton: Diadomingo anochi pa Dialuna mainta, destruccion a wordo cometi na un auto di Cuerpo Policial di Aruba. Aparentemente desconocidonan lo a manda un obheto riba un auto di polis y a destrui un bentana di e auto cu tabata staciona na cas di un agente policial di fam H.
E agente policial aki ta den Flex Team, un team cu ta hopi activo y ta deteniendo diferente hende riba caya relaciona cu benta di droga y tambe cu plantacionnan di mata di marihuana.
E agente policial H. tambe ta un di e agentenan cu ta bay den e helicopter durante patruya of cualke control for di halto.
Pa e motibo aki e agente H. tin un auto di polis na su disposicion 24 ora pa dia.
Muy probablemente e destruccion cometi na e auto di polis lo ta sali for di suhetonan cu lo kier stroba trabou di polis of lo kier a manda un señal pa e polis, cu nan no lo ta contento cu su trabou di combati criminalidad.
E agente policial mesora a notifica su hefenan referente loke a sosode cu e auto na su cas. Mesora a cuminsa cu un investigacion cu actualmente ta den full swing. Probablemente no lo tarda cu husticia lo logra pone man riba esun of esnan cu a comete e acto di destruccion aki.
Den e area unda e agente policial ta biba tin basta camara di seguridad .
Flex team y e agente policial di Fam H. lo sigui sin miedo cu nan trabou di combati criminalidad riba nos isla.