Oranjestad – Diaranson den oranan di mainta e departamento di Landsrecherche y RST a bishita un homber cu ta traha na migracion. Pa algun tempo caba tawata tin bista ariba e persona aki.
Rumornan cu a circula tambe ta di su mesun coleganan, cu lo a mira of sa di cierto practicanan cu probablemente no ta esunnan di mas miho di John H.
Ta wordo papia di Mensen Handel y Mensen Smokkel. John H ta wordo sospecha di ta tuma placa di cierto hendenan(pasaheronan) ora nan yega Aruba.
Diaranson Landsrecherche y Rst a bay unda e ta biba na Turibana, y a rista den e cas confiscando varios cos segun nan cu ta di importancia.
Den casonan asina bijvoorbeeld su cellular. Precisamente diaranson cu autoridad a haci John H e “bishita”, ela meld ziek y tawata na cas. Agentenan di Landsrecherche a yega bek oficina cu algun caha di cosnan cu ser tuma den beslaag na e cas.
Su badge di trabou a wordo kita for di dje tambe. Miembronan di RST a bay Airport y a rista den su locker, no ta conoci kiko tur lo por a ser haya eynan.
No ta John H so nan lo tin bista ariba dje, pero parse cu lo tin mas colega cu ta haci tipo di actonan aki.
Un ehempel, personanan cu nan estadia lo a pasa hendenan manera den e departamentonan aki masha facil lo por fix e problema ey pa e persona/pasahero. Y tambe laga hende drenta for di Venezuela.
Nos sa di un caso grandi, unda un “comerciante” stranhero ta drenta Aruba y ta keda mas di e tempo stipula, pero ora di haci e controlanan semper su dianan ta na “ordo”.
Pero esey lo bira un otro noticia.
Loke a hala atencion ta cu e sospechonan of acusasionnan contra John H ta serio, y asina mes Autoridad no a haya necesario pa pone inverzekeringstelling.
No ta descarta cu Landsrecherche y Rst lo bishita mas hende cu ta traha den departamentonan aki.