Nos por a tuma nota recientemente di diferente noticia den medionan di comunicacion regardando uzo recreacional di cannabis.
PROGRAMA DI GOBERNACION
Den programa di gobernacion “Hunto pa Aruba” ta enfatisa cu Gabinete Wever-Croes solamente lo implementa e proceso pa legalisacion di cannabis medicinal. Esaki ta loke fraccion di MEP ta sostene y ningun otro aspecto.
MALENTENDIMIENTO DEN PUEBLO
Como lider di fraccion di MEP, mi ta hay’e sumamente necesario pa aclarea cu como fraccion nos lo solamente sostene e parti medicinal. Y obviamente e maneho di esaki mester ta bou reglanan estricto.
PA CONCLUI
Como fraccion di MEP nos ta hay’e importante pa tur nos sostenedornan sa cu nos ta para y sostene legalisacion medicinal. Como remedi y medicina alternativa esaki por yuda pashentnan cu nan dokternan ta haya esaki necesario. Fraccion di MEP ta consisti di profeshonalnan cu a traha den ramo di enseñansa, cuido medico, husticia y veld social. Pues nos sa con desastroso uzo recreacional ta entre otro pa hobennan.