ORANJESTAD – Departamento di Asuntonan Economico, Comercio y Industria (DEACI/DEZHI) y su unidad Exprodesk conhuntamente cu SISMERCADO, Grant Thornton, Asociacion di Musico y Artista Arubano (AMAA), CxPay, Qredits y Oficina di Propiedad Intelectual ta presenta e ‘Business Week 2019: Conquering New Horizons’ . E Business Week 2019 lo duna un serie di tayernan y presentacionan unda cu lo trata derecho di autor, patent y trademark, alabes tambe e tayernan lo duna heramienta practico pa E-commerce (preferibel pa participantenan por bin cu un laptop pa por set up nan e-business) y impuesto. Exprodesk ta invita tur negociante y persona den e sector creativo y e sector di servicio profesional, cu kier empodera nan mes y mehora nan competitividad den e mercado pa participa na e ‘Business Week 2019: Conquering New Horizons’.
E Business Week 2019 lo tuma lugar den e siman di 13 di Mei pa 17 di Mei 2019 na Departamento di Asuntonan Economico , Comercio y Industria situa na Sun Plaza riba segundo piso L.G Smith Boulevard 160. E topiconan cu ta bay trata ta:
E-commerce
Dialuna, 13 Mei 2019
9:00 a.m. – 12:00 p.m. Sala 25
Diamars, 14 Mei 2019
9:00 a.m. – 12:00 p.m. Sala 25
Diaranzon, 15 Mei 2019
1:30 p.m. – 4:30 p.m. Sala 22
Workshop di Impuesto
Diaranzon, 15 Mei 2019
9:00 a.m. -12:00 p.m. Sala 25
Derecho di Autor
Diahuebs, 16 Mei 2019
9:00 a.m. -12: 00 p.m. Sala 25
Microfinanciamento, Online Payment & Marca di Registracion y Patent.
Diabierna, 17 mei 2019
Microfinanciamiento
9.00 a.m.-10.00 a.m. Sala 25
Diabierna, 17 mei 2019
Online Payment
10:00 a.m.-11:00 a.m. Sala 25
Diabierna, 17 mei 2019
Marca di Registracion, Derecho di Autor y Patent
11:00 a.m.-12:30 p.m. Sala 25
Entrada na e tayernan ta gratis, pero cuponan ta limita. Segura bo cupo, via e link: https://www.surveymonkey.com/r/BusinessWeek2019 of scan e QR Code:
Business Week 2019 lo clausura riba 17 mei 2019 pa 12:30 p.m y di biaha lo otorga certificado di participacion durante un ceremonia. Participantenan cu a atende tres dia of mas lo ricibi un certificado di participacion.
Sigui nos riba nos pagina di Facebook, www.facebook.com/Exprodesk pa keda al tanto di e actividadnan menciona y tambe pa futuro training y workshopnan. Exprodesk ta habri di dialuna te cu diabierna entre 8:00 am y 4:30 pm via afspraak. Pa un cita of mas informacion por tuma contacto cu sra. Sharon Meijer via: [email protected]