ORANJESTAD, Aruba –01 april 2019: Entrante, 02 di April te cu diabierna 05 di April e edificio di Malesanan Infeccioso (Dienst Besmettelijke Ziekten) situa na
Avicenna Straat #1 lo ta cera pa renobacion di e edificio interno.
Pa es motibo aki cu nos servicio lo ta cera pa publico parcialmente cu excepcion di e servicio di vacunacion cu lo sigui tuma luga pero na e edificio principal di Departamento di Salud Publico.
Tur persona cu mester un vacuna of entrega papelnan pa permiso di DIMAS, e siman aki por pasa solamente parti mainta entre 7.45am cu 11.45am na edificio principal di Salubridad Publico na Caya Ing. R. Lacle #4 na e porta blauw dilanti di e edificio di Seccion di Finansas unda e personal di Servicio di Malesanan Infeccioso lo atende debidamente. E porta lo ta indica dor di un borchi.
Nos ta spera di a informa comunidad debidamente y nos ta disculpa nos mes pa cu cualkier inconveniencia cu esaki por trece cune.
Pa mas informacion por tuma contacto cu seccion di Malesanan Infeccioso di Departamento di Salud Publico na 5224200 extencion 239.