Negoshi di bbq cera pa motibo di higiena, a habri bek sin permiso. Polis a hala su atencion y bolbe cere

Caya G.F.Betico Croes – Diaranson atardi polis a bay e negoshi di bbq situa na final di Caya G.F.Betico Croes.

Segun nos a compronde cu e negoshi aki yama Baby Back Grill, lo a wordo cera pa Departamento di Higiena.
Esaki ta debi cu durante e control lo a bin topa cu cierto cosnan cu no ta cumpli cu normanan estableci pa Departamento di Higiena.

Diaranson atardi, autoridad a haya informacion cu e luga a wordo habri, loke no mag te ora nan fix loke no ta ordo.

Prome cu nan habri bek, e Departamento mester pasa controla si di berdad tur cos ta na ordo, y vooral ora bo ta traha cu cuminda.