ORANJESTAD, Aruba – Dia di San Balentin ta importante pa tur hende y Riu Palace Aruba a haci un donacion special na Mary Joan Foundation pa nan evento. Riu Palace Aruba tabata contento di por a yuda e fundacion cu tin e meta pa yuda esunnan cu ta combatiendo of a combati cancer.
Sopi no ta solamente nutricion, pero tambe ta yuda calma e alma p’esey Riu Palace Aruba a haci donacion di un weya di sopi na Mary Joan Foundation. E donacion aki tabata p’e evento special di Valentine’s Day cu Mary Joan Foundation a organisa pa clientenan. Nan tabata kier a alegra e dia pa esunnan cu ta sufriendo di cancer.
Riu Palace Aruba ta feliz di a duna nan sosten na e fundacion pa trece alegria di Valentine’s Day na tur hende. Mary Joan Foundation ta gradici na Riu Palace Aruba p’e donacion special aki.