Aruba ta cla pa bira e epicentro di beach tennis november venidero cu dos magno evento riba e calendario di International Tennis Federation (ITF).
Cu cualificacion riba november 14 y e main draw di november 15 pa 17, Aruba lo ta e anfitrion di ITF Beach Tennis Sand Series y asina oficialmente lo ta e di shete evento di Sand Series pa e aña aki. Pa prome biaha e torneo lo ofrece un premio monetario di $75,000, y asina hunto cu ‘Réunion’, lo ta un di eventonan mihor paga di e circuito. E premio total acumula cu lo wordo ofreci durante e evento di ocho dia, incluyendo singles, mixed doubles y MVP lo ta un total di $95,000.
Ademas di e Sand Series, Aruba lo ta e anfitrion tambe di e ITF Beach Tennis Pan American Championships for di november 7 pa november 10. E competencia regional aki lo trece e top atletanan for di e region Panamericano hunto pa competi pa e titulo maximo den e categorianan Men’s Doubles, Women’s Doubles y Mixed Doubles.
E Sand Series ta inclui e torneonan principal di e ITF Beach Tennis World Tour, cu ta designa pa brinda e top atletanan e oportunidad di gana mas punto pa ranking y mas premio monetario.
E torneo Sand Series 75 lo conta cu un mihor sistema di puntuacion di ranking y un fondo significante di premio, atrayendo asina e top hungadornan di ranking di rond mundo. E evento aki lo ta e climax di e Aruba Open, un siman largo di celebracion y festival di beach tennis, culminando den tres dia di competencia intensivo pa resulta victorioso riba Championship Sunday.
E ITF Beach Tennis Pan American Championship lo wak nacionan di e region Panamericano competi den diferente categoria. E evento aki lo ta parti di e ITF Beach Tennis Tour y lo ofrece puntuacion valioso pa e ranking di e ‘Regional Championships’. E Campeonatonan tin un historia rico, cu a bin tumando lugar na diferente lugar den region, incluyendo Chile aña pasa y Argentina na 2022. E evento ta bolbe Aruba pa prome biaha desde 2019, y lo promete di tin un esfera emocionante y competitivo.
Sand Series 2024
11 – 14 April: Ribeirão Preto
10 – 12 Mei: Réunion Classic
17 – 19 Mei: Gran Canaria Classic
13 – 15 Juni: Brasília Classic
15th – 17th Augustus: Saarlouis Classic
10th – 12th October: São Paulo
15th – 17th November: Aruba
Presidente di Aruba Lawn Tennis Bond, Franz Sydow, a bisa: “Nos ta orguyoso cu ITF a ortoga Aruba Open e Sand Series status, como tambe e Pan American Beach Tennis Games, treciendo asina beach tennis di clase mundial na nos costa. Un pabien grandi ta bai pa Beach Tennis Aruba, pa a demonstra pakiko nan ta unda nan ta awe.
“E reconocimento aki for di ITF ta enfatisa e compromiso cu Beach Tennis Aruba tin pa profesionalismo, excelencia den deporte, y nos comunidad vibrante di beach tennis. Nos ta sperando ansosiamente pa asina jama bon bini na e atletanan y fanaticada for di rond mundo pa asina experencia e hospitalidad di nos isla y e spirito competitivo.”
E number 4 mundial y campion defensor, Flaminia Daina, ta bisa: “Ora bo ta hunga beach tennis, bo ta crese pensando pa hunga y gana na Aruba, e ta e Wimbledon di nos deporte. Mi ta hopi orguyoso di ta parti di dje y pa mira e torneo crece y briya cada aña! Danki na Beach Tennis Aruba pa mantene nos soño bibo! Ban pe Aruba!”
Director di Aruba Beach Tennis Championship, Marc Kiezebrink, a bisa: “Ta un honor ku e ITF a permiti Beach Tennis Aruba un biaha mas pa ta e anfitrion di e ITF Beach Tennis Pan American Championships y otorgando Aruba Open e Beach Series status. Danki na nos partners, specialmente Marriott Bonvoy, cu nos ta contento di por anuncia cu e premio monetario di Aruba Open awor ta $75,000!”
Hungadornan por haña mas informacion riba e pagina di Aruba Open tournament y por registra na IPIN pa e torneo di ITF Sand Series 75.
– FIN –
Pa mas informacion contacta:
Tocante ITF
E Federacion Internacional di Tennis (ITF) ta e organo gubernamental mundial di tennis. Funda na 1913, su meta ta pa asegura e cresemento y sostenibilidat a largo plaso di e deporte, entregando tennis pa futuro generacionnan den asociacion cu su 213 miembro di e Asociacion Nacional. ITF ta supervisa e reglanan y regulacionnan cu ta maneha e competencianan internacional y nacional. ITF ta responsabel pa e desaroyo mundial di tennis atraves di su Programa di Desaroyo global altamente respeta, su departamento di Ciencia y Tecnico cu ta monitor ekiponan y tecnologia, y su departamento di Oficialnan cu ta supervisa e educacion y avanse di oficialnan. ITF ta organisa te cu 1850 torneonan pa homber, muhe y hoben riba e ITF World Tennis Tour, y ta maneha e competencianan di ITF junior team, ITF Beach Tennis World Tour, UNIQLO Wheelchair Tennis Tour y e ITF World Tennis Masters Tour, hunto cu e World Cup of Tennis di e hombernan y muhernan, Davis Cup y Billie Jean King Cup by Gainbridge respectivamente, e dos competencianan internacional anual di team mas grandi den tennis. ITF ta maneha e Olympic Tennis Event den nomber di IOC y Paralympic Tennis Event den nomber di IPC y e Qualification Pathway pa ambos evento na e Weganan Olimpico. Pa mas informacion, bishita www.itftennis.com.