134
Macuarima – Diahuebs durante oranan trempan di mainta polis a haya informacion di un pelea formal na un adres na Macuarima.
Un rato despues cu polisnan tabata bayendo pa atende cu e problema aki, ta drenta un otro informacion cu un of mas tiro lo a wordo scucha.
Esaki a pone cu e patruya cu mester a bay pa atende cu e supuesto peleo, mester a sali cu mas urgencia, tambe tabata tin mas patruya na caminda pa refuersa e prome patruya.
Na momento cu e polisnan a yega nan a wordo informa cu dos persona den un Toyota Yaris, posiblemente lo ta esnan cu a pasa of ta buscando problema.
Na e sitio tambe e agentenan policial, a wordo avisa cu e auto a caba di bay direccion pabou, despues di un persecusion chikito, nan ta logra para e auto aki panort di WEMA Santa Cruz.
Ambos persona den e auto a keda deteni, e vehiculo tambe a wordo confisca.