Green Corridor – Diadomingo mainta pa mas o menos 11’or y mey informacion ta drenta cu auto a bolter ariba Green Corridor.
Poco poco e sitio excato a bira conoci, tawata pabou di e brug nobo direccion San Nicolas.
Na yegada polisnan ta topa cu un Toyota Vitz color preto, ariba su banda totalmente destrui.
E chauffeur tawata pafo di e auto, pero cu poco dolor y varios rasca na curpa.
Mientrastanto polis a laga cera rotondo di ex drive in, pa evita cu trafico por bin ariba y stroba e trabounan.
Segun e chauffeur elo a pega soño y a kita bay na su man robes, dal contra e separacion di beto rancando un palo di luz.
Despues di esey a auto a kita na su man drechi bolter sigui lastra bay ariba, y termina ariba a banda drechi di e auto.
Segun agentenan na e sitio, fuera di a pega soño e chauffeur tawata bou influencia tambe.
Ambulance a presenta y a sali cu e chauffeur di e auto direccion Hospital.
Takelwagen a presenta pa kita e auto for di caminda.
E chauffeur lo tawata bayendo su cas, despues di trip.