126
Sabana Liber: Diahuebs den careda di 9’or di mainta, un partido di carta di e compania Post Aruba N.V. ta wordo ataca y mordi na su pia pa un cacho cu lo sali for di cura di cas y a ataca e partidor di carta.
E homber tabata coriendo riba su Scooter partiendo carta, pasando dilanti di un cas e ta wordo sorpresa pa un cacho brabo cu ta sali for di cura di e cas y ta ataca e partidor di carta, e cacho ta bente for di su scooter y ta morde a su pia, pero no di gravedad.
Mesora a pidi pa presencia di polis, na yegada di polis di trafico a topa cu e Scooter benta ainda riba camina. Nan a papia cu e partidor di carta y cu e doño di cacho, e cacho mesora a wordo manda paden di cura.
Tambe a avisa Forensys pa atende cu e accidente aki. Na Aruba tin hopi cacho ta cana los riba caya y tur dia esnan cu ta parti carta a hayanan cu situacionnan cu cacho ta atacanan of core nan tras. Un situacion hopi fastioso pa e trabou cu e partidornan di carta ta bin ta eherciendo.