Polis ta detene homber cu a bay haci problema na cas di su ex, segun e Ex cos a caba masha tempo caba

Madiki: Diadomingo den oranan di mainta. Polis ta wordo manda cu urgencia na un cas na Madiki, pa un problema cu tabata  bayendo for di man.

Mesora un patruya ta yega na e cas y ta detene un homber. Na e sitio e famia ta splica polis cu pa basta tempo caba nan sobrina no tin nada mas cu e homber aki di fam. Franken, pero diadomingo mainta den careda di 10’or ela presenta na e adres aki.

E homber a cuminsa bati hopi duro riba e porta di cas y tabata haciendo problema, tambe e tabata usa expressionnan hopi menazante contra e dama y su famia.

E famia a bisa e homber pa e bay for di nan cas, paso nan ta bay yama polis pe, pero asina mes e homber no a bay, ela keda haci fastioso y no a keda e famia aki nada otro di pidi pa presencia di polis.