94
Santa Helenastraat – Diahuebs pa mas o menos 4’or di marduga, polis ta bay na Xavier University pa un caso di Hit and Run.
Na e sitio nan ta papia cu un security guard, segun e security guard un Kia Sportage pa un of otro motibo lo a perde control pasa door di e heki, causando basta daño material, te hasta autonan staciona riba e tereno di e universidad aki a ricibi daño material.
Despues di e incidente, e chauffeur a logra bandona e sitio. Aparentmente durante cu ela drenta tereno di e Universidad, e lo a kap un tire di su auto, pero asina mes ela move bay prome cu polis a yega na e sitio.
Aparentemente via camara di seguridad nan lo por a trata na haya e number di e auto, pa asina polis lo por bay atende cu e chauffeur aki.