ORANJESTAD – Bo persona ta cordialmente invita pa e “Kidpreneur$ Bazaar”, cual lo tuma luga diasabra, 8 december 2018, di 4:00 p.m. – 7:00 p.m., den Caya Principal G.F. Betico Croes entre Cedehm/ Aldo y ex-Interbank.
Den e bazaar aki e muchanan cu a participa den proyectonan di: “Kidpreneur$ with BIG Ideas” (duna na Traimerdia) y “Kid$ BIZ Market” (durante e herfstvakantie/oktober), entre e edad di 9 pa 13 aña, lo bin hunto pa bende e productonan cu nan mes a crea.
Den e proyecto(nan) e muchanan a haya educacion empresarial cu a yuda nan reconoce oportunidadnan comercial.
Door cu e muchanan a ricibi diferente tayer den diferente angulo, e muchanan a haya mas idea di con nan por uza nan mes un creatividad pa yega un dia na nan propio negoshi.
Nos por a nota cu cada mucha cu a participa den e proyecto, tabata hopi satisfecho y a keda cu e gana pa algun dia nan experiencia den un forma educativo, kico e ta pa “ta un comerciante”.
Pa e motibo aki, Directie Economische Zaken (DEZHI)/(Iniciativa pa Desaroyo pa Empresa Arubano (IDEA) hunto cu e siguiente simpatisantenan, Minister di Finansa, Asuntonan Economico y Cultura, SETAR, Bureau Traimerdia, Departamento di Cultura, Elite Promotions & Entertainment, ta organisando e “Kidpreneur$ Bazaar” aki.
E benta di e productonan di e muchanan lo sosode entre 4:00 p.m. – 6:00 p.m. y entre 6:00 p.m. – 7:00 p.m. e muchanan por disfruta di musica presenta door di nos muchanan y tambe di e luz di Pasco den caya grandi.