Home Sports Sport Centrum San Nicolas sede di “Hoben Activo, Hoben Feliz”  

Sport Centrum San Nicolas sede di “Hoben Activo, Hoben Feliz”  

Sport Centrum San Nicolas a ricibi un total di 21 hoben dialuna atardi cu ta haci uzo di e experiencia deportivo cu ta wordo brinda durante “Hoben Activo, Hoben Feliz” na Sport Centrum San Nicolas. “Hoben Activo, Hoben Feliz” ta un proyecto di Ministerio di Deporte hunto cu IBiSA. E programa ta consisti di diferente disciplina deportivo for cual un di nan ta Ping Pong cu a cuminsa dia 8 di oktober y a termina dia 17 di oktober. Participacion ta totalmente gratis y ta pa muchanan di 9 pa 13 aña. Dianan cu e ta tuma lugar ta dialuna y diaranson for di 3’or pa 5’or di atardi. Siguente disciplina riba e programa di “Hoben activo, Hoben Feliz” ta Karate cu ta cuminsa dia 5 di november pa 14 di november.

 

Pa mas informacion di e programa por yama IBiSA libremente na 5848903 / 5824987 of manda un email pa schoolsportibisa@gmail.com. Tambe por bishita e Fb page di IBiSA Aruba pa mas informacion.