Home Sports Test fysico  pa CIOS Arnhem ta bai tuma lugar na luna di...

Test fysico  pa CIOS Arnhem ta bai tuma lugar na luna di maart 2019

 

Deporte y movecion ta algo cu bo ta gusta? E ora ey un estudio na “Centraal Instituut voor de Opleiding tot Sportleiders” CIOS, por ta algo pa bo. Esaki ta un estudio pa formacion deportivo riba nivel di MBO cu na final ta conduci na un profesion den cual deporte y ehercicio ta e meta principal.

 

Cu un diploma di CIOS, bo por traha na Aruba den e sector Hotelero, cu un club of organisacion deportivo, na cierto Fundacionnan, Departamento Gubernamental, KIA, Cuerpo di Bombero y Polis.

Admision pa Estudio CIOS Arnhem:

Hobennan cu ta interesa mester tin minimo un MAVO diploma of prueba di HAVO 3 pa HAVO 4. E aplicante mester haci diferente test pa mira si e ta cualifica pa drenta e Instituto CIOS na Hulanda. E prome test ta un test fisico cu si pasa esaki positivo por sigui pa e siguiente fase cu ta esun di idioma Hulandes y Matematica cu ta wordo haci online. Na final di e testnan online lo bai tin un evaluacion verbal cu lo wordo guia door di un docente di CIOS – Arnhem cu lo bin Aruba na luna di april. Si e aplicante pasa tur e testnan positivo e por wordo admiti na e Instituto di CIOS Arnhem. Ta conseha pa e hoben tin 18 aña di edad, pa asina e por aplica pa un fiansa di estudio via “Dienst Uitvoerend Onderwijs”  DUO na Hulanda, mirando cu Aruba no ta duna un fiansa pa estudio riba e nivel di MBO. (E test aki ta solamente pa admision pa CIOS na Arnhem)

 

Anochi di informacion

Na luna di februari 2019 lo tuma lugar un anochi di informacion unda e studiante conhuntamente cu su mayornan por haya mas informacion pa cu e estudio di CIOS na Arnhem.

 

Test fisico

E test fisico lo bai tuma lugar na luna di maart 2019 cu ta solamente pa estudiante cu ta interesa pa bay studia na Arnhem e aῇa escolar 2019-2020. E test fisico ta encera cu e persona mester pasa e test di landamento, gymnastico, core un distancia di 3 km y mester por domina diferente technico basico di deporte manera volleybal, basketbal y voetbal.

Esnan cu ta interesa y ta desea mas informacion por tuma contacto cu sra. Jacqueline Ponson van Putten  via email: Jacqueline.vanputten@gobierno.aw