Gobierno a hinca hopi placa den algun vehiculo caro, pero aparentemente no ta dunando e resultado manera a spera.
Santana di Cacho, Seroe Colorado – Dialuna den careda di 1’or y mey di marduga, Kustsurveillance a tuma nota di un boto laga atras ariba e rif, un biaha mas na altura di Santana di Cacho.
E boto tabata tin un buraco grandi na e parti abou. E personal di Kustsurveillance na e momento ey, no a topa cu niun persona.
Centraal di polis ta manda varios unidad di polis den Colony.
Salida y entrada a wordo blokia pa autoridad. Aunke nos a ripara cu esaki no ta yudando mucho.
Mesora a avisa Kustwacht y Guarda Nos Costa (GNC) tambe.
E avion di Kustwacht a lanta buelo y a bula riba e area di Sero Colorado, pero no a mira ningun persona.
Den Sero Colorado mientras tanto patruyanan di polis a controla full e tereno, y nan tampoco ta bin topa cu ningun persona.
Den careda di 3’or y 15, kustsurveillance a pone e boto ariba tera, despues cu e personanan a lage pega ariba e rif.
Algo pasa di 3’or di marduga a stop cu e buskeda cu lo mester sigui mainta.