Palm Beach – Weekend cu a pasa, den oranan di marduga di diadomingo, un cantidad record di flatscreen tv’s y hopi otro articulo mas a wordo horta for di un compania cu ta bende second hand hotel furniture,na Palm Beach. E ladronnan a bay te hasta cu un truck di e compania.
Muebles di hotel cu ta den renobacion
Diadomingo den oranan di marduga, e ladronnan a drenta den un warehouse situa na Palm Beach unda tabata tin varios articulonan di hotel warda y cu ta wordo bendi, e mueblesnan aki a wordo saca for di un hotel cu ta den renobacion den area di High
Property Improvement People ta pidi pa presencia di Polis
Diadomingo den oranan di mainta e contratista Property Improvement People a pidi pa presencia di polis, na e warehousenan cu e compania ta huur y nan a entrega keho di ladronicia di varios articulo y joyriding di un truck di e compania.
Segun e persona encarga cu e compania a splica polis cu Diasabra anochi nan a cera y cu Diadomingo mainta nan a bin topa cu e sorpresa aki. Aparentemente e ladronnan a kibra un bentana cu un baranca y a habri esaki drenta paden
A pasa man pa net 32 flatscreen cu ta bon y no coy niun daña
Den e warehouse tabata tin un cantidad di flatscreen, algun daña y hopi cu ta traha bon. E ladronnan a pasa man pa 32 flatscreen pa casualidad e 32 nan aki tabata e flatscreennan cu tabata traha bon tambenan a bay cu tur nan acsesorionan, esta nan remote controlnan y mas cos.
32 flatscreen no tabata suficiente y a pasa man pa mas articulo
32 flatscreen no tabata suficiente pa e ladronnan, nan a pasa man pa un sofa shinishi, boormachine di marca “Dewalt”, boormachine “Milwaukee”, un tablet marca “Asus”, cual e compania tabata usa pa registra e bentanan, tambe den un cashi paña tabata tin dos caha di placa, un di e cahanan di placa cu tabata tin 500 florin tambe a wordo horta y te hasta e truck di e compania tambe a wordo horta
Indicacion cu por ta trata di un inside job
Tin indicacion fuerte cu lo por ta trata di un inside job, mirando cu e ladronnan a bay cu net tur e flatscreen nan cu no ta daña, nan tabata sa cu den e cashi paña e caha di placa tabata warda, nan tabata sa exactamente con pa drenta, y es mas nan tabata sa unda e yabi di e truck tabata poni, cu nan por a yega start y baha na awa cu tur e articulonan aki.
Segun nos a compronde, e truck di e companianan cu e ladronnan a horta pa transporta e articulonan a wordo haya den area di Indian Rock Garden, bashi mas cu claro. Esaki lo a wordo hiba warda di Santa Cruz pa mas investigacion.
E caso grandi di ladronicia aki ta bou investigacion.