Jalisco, Mexico: El Mencho ta e lider nobo den e mundo di droga, ela tuma e posicion di Joaquin Guzman mihor conoci como El Chapo, despues cu El Chapo a keda deteni. E lider aki ta mesun cruel cu El Chapo.
Nemesio Oseguera Cervantes, mihor conoci como El Mencho tabata anteriormente un agente y un sicario. E ta lider di e cartel poderoso di Jalisco, Cartel de Jalisco Nueva Generacion (CJNG).
E Cartel di Jalisco ta deal den Methamfetamine, heroina y cocaina.
El Mencho ta number un riba e lista di e hefenan di e cartelnan mas busca di Norte America. Autoridad Mexicano ta ofrece 30 miyon peso, (equivalente na 1.588 miyon dollar) na personanan cu lo por duna informacion pa nan por yega na su detencion.
Cervantes tin como 10 aña sin yega den contacto cu polis, esaki ta danki na su fiel siguidornan cu ta yude den esaki. Nan ta cera caminda cu autonan horta, cada biaha polis yega riba un spoor di dje. Durante un di e blokeamento di caminda e siguidornan di El Mencho a mata 15 agente.
Segun Paul Craine, hefe di Drug Enforcement Administration (DEA). Su siguidornan ta funciona como un organisacion paramilitair y nan ta gusta mustra con poderoso nan ta.
Despues cu autoridad a detene El Chapo, hopi banda di droga a kibra, eynan ta caminda cu El Mencho a mira su chens pa drenta y bira grandi.
Cervantes a cuminsa como un bendedor di droga chikito, banda di su trabou como agente na Jalisco, despues ela afilia su mes na e Milenio Cartel. Na 2010 ela yega na poder, su casa mientras tanto si a wordo deteni.