73
Caya Captain R.Rodger – Diadomingo mainta algo pasa di 11’or, polis a bay Caya Captain R.Rodger pa un atraco cu a sosode den un camber na Caracas Bar. Cliente pidiendo servicio no tabata un cliente pero un atracador.
Na yegada e dama ta declara na e agentenan cu un cliente a bin cerca dje y tabata desea su servicio, nan a bay den camber pero enbes di a tuma su servicio a saca un cuchiu y a exigi tur placa di e dama, e dama a duna e homber mas o menos 250 florin y como 500 dollar cu e tabata tin den su poder.
E dama a splica polis cu un homber color scur di mas o menos 1.70, bisti full na preto, despues cu e homber a haya e placa for di e dama ela bandona e sitio bay direccion pabou.
Polis a tuma declaracion di e dama y presencia di atraco team a wordo pidi pa haci mas investigacion.