Lama Mediterraneo, Lama Adriatico: Diasabra den careda di mey anochi un dama di nacionalidad Ingles pa un of otro motibo ta cay for di e Crusero Norwegian Star den lama, esaki a sosode basta leu for di e costa di Croacia. E Crusero tabata rumbo pa su sigiente puerto cu ta Venecia, Italia.
Mesora Kustwacht di Croacia a cuminsa cu un buskeda grandi den e lama Adriatico, a saca avion pa yuda buska, despues di un buskeda di mas o menos 10 ora, nan a bin topa cu e muher, un 100 kilometer leu di e costa di Croacia.
E capitan di e barco cu a rescata e dama, a bisa cu e ta contento di por a bolbe scapa un bida. E dama ta interna na hospital y aparentemente ta sigui bon di salud.
Polis a ricibi e grabacionnan di camaranan di seguridad abordo y ta investigando pa mira con of kiko a pasa cu e dama aki por a cay den lama.
Desde aña 2000, como 300 persona a cay for di Crusero den lama.