Home » E barco di Marina Real Zr. Ms. Friesland a intercepta mas cu 400 kilo di cocaina

E barco di Marina Real Zr. Ms. Friesland a intercepta mas cu 400 kilo di cocaina

by Admin
0 comment 58 views

Sint Maarten: E barco di Marina Real Zr.Ms. Friesland riba 9 di augustus, den cooperacion cu Kustwacht di Sint Maarten, durante patruya riba lama a logra intercepta 406 kilo di cocaina.

Durante cu nan tabata patruyando, e barco a topa cu un boto sospechoso, e boto aki tabata nabega bou di bandera Venezolano den awa nan di Caribe. E boto sospechoso aki a a yama nan atencion pa su comportacion riba lama.

E boto sospechoso aki a wordo descubri den oranan di anochi, danki na e sensornan avansa cu E NH90 helicopter maritimo ta disponi di dje. E Helikopter aki actualmente ta abordo di Zr.Ms. Friesland.

Ora e boto a nota cu Friesland ta buscando contacto y a lanta e helicopter NH90 mesora e boto sospechoso aki a cambia di rumbo.

Zr.Ms Friesland hunto cu un di su botonan cu mas speed, yama  FRISC-onderscheppingsboot, a bay direccion di e boto sospechoso aki. Despues cu esnan a bordo di e boto venezolano sospechoso a nota cu marina real ta acercandonan, e personanan abordo di e boto a cuminsa tira algun pakete den lama.

E onderscheppingsboot a logra saca tur e paketenan aki for di awa y a hibanan abordo di Zr. Ms. Friesland. Despues di un control a resulta cu ta trata di 406 kiko di cocaina.

E droga despues di a wordo investiga, den oranan di mainta destrui na Sint Maarten.

E comandante di Zr.Ms Friesland tabata hopi contento cu e accion exitoso aki. E interceptacion di e 406 kilo di cocaina tabata danki na e teamwork, entre e tripulante di Zr. Ms. Friesland, NH90 Helicopter y miembronan di kustwacht di Sint Maarten, kendenan actualmente ta abordo di Zr. Ms. Friesland.

Zr.Ms. Friesland ta un Oceangoing Patrol Vessel di Marina Real. E barco lo keda den awanan di Caribe te fin di November y no solamente lo ta activo den operacionnan pa combati droga, pero tambe lo ta cla pa yuda den rescatenan of ayudonan humanitario.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio