Den cuadro di siman di lechi materno nos di Aruba One Happy Island Lions Club kier enfatisa e importancia di lechi materno.
Dunamento di lechi materno ta un acto di amor verdadero y consenshi.
Lechi materno ta yuda bo baby combati virus y bacteria
Siman di lechi materno ta wordo celebra mundialmente tur aña di dia 1 pa 7 di augustus. E motibo principal pa esaki ta pa encurasha pa duna baby recien naci lechi di pecho pa asina promove salud di babynan mundialmente.
World Health Organization (WHO) ta recomenda pa duna un baby recien naci exclusivamente lechi di pecho for di un hora despues di parto te cu su di 6 luna. Despues di 6 luna por cuminsa añadi formula tambe na e baby su nutricion pero sin stop di duna pecho.
WHO y Unicef e aña aki activamente ta campaña pa mustra mamanan e importancia di duna e baby recien naci lechi di pecho den su prome hora despues di nace. Lechi di pecho ta e recien naci su prome vacuna, hopi nutritivo y yen di anticurpa.