Grant Thornton ta un realidad den e region Caribense Hulandes. Cu e oficinanan na Aruba, Curacao, Bonaire y St Maarten, Grant Thornton ta oficialisa y expande su red global den nos region. Diaranson 01 di augustus e oficinanan a habri nan portanan oficialmente y e Regional Leader di Grant Thornton Roy Buddle a keda sumamente satisfecho despues di a sinti e entusiasmo tanto na Aruba como na Curacao. “Tradicionalmente nos tin un presencia fuerte den Caribe unda cu actualmente nos tin 13 oficina den e region. Pero nunca nos tabatin un representante directo den e region Caribense Hulandes. Strategicamente esaki ta importante door cu semper Grant Thornton tabatin un relacion estecho cu Hulanda y Merca. Cu 13 oficina den e region di Caribe awor, esaki ta fortalece Grant Thornton su potencialnan y capacidadnan.”
Durante e lansamento oficial Edsel Lopez, kende ta un di e partnernan di Grant Thornton na Aruba, a trece dilanti di ta hopi entusiasma cu e cambio aki y ta spera cu e team lo sigui traha cu e mesun empeño cu semper nan a desplega. Presente e atardi aki tabata entre otro Ernst Mohammed di Camara di Comercio y Tisa LaSorte di AHATA kendenan a expresa di ta admira e curashi cu tur hende a demostra door di reinventa nan mes den un compania diferente. Cu profesionalismo y etica a logra di haci un transision smooth y jega na un resultado positivo.
Grant Thornton ta consisti di 5 partner y un staff di 160 hende reparti den 4 oficina na Aruba, Bonaire, Curacao y Sint Maarten. Di e forma aki e compania cu tabata anteriormente PwC Dutch Caribbean lo bira e compania di mas grandi den e region di Caribe pa Grant Thornton.