Home Sports Aruba su team di TK5 ta forma y ta cla pa Corsou

Aruba su team di TK5 ta forma y ta cla pa Corsou

 
 
Diasabra ultimo a forma e team di TK5 Aruba pa Corsou 2018.
E aña aki ta bay ta e di 9 TK5 na Corsou y Aruba a logra di forma su team pa asina por sigui prepara pa Corsou. Awo cu e atletanan ta conoci ta bay sigui cu tur e preparacionnan, e.o. uniform y recauda fondo pa e biahe pa Corsou.
 
Durante di e 8 añanan cu Aruba a participa na e TK5 di Corsou tabata tin varios coach cu a tuma e tarea pa coach e teamnan na Corsou y Surinam. E aña aki Záhyon Klabér y Jourdé Klabér lo bay coach e dos teamnan na Corsou. 
 
Training ta tur diasabra sea pafo den aire liber of paden den zaal. Awo cu e teamnan ta forma, ta bay concentra mas ariba e pelea y e cambionan cu sa haci durante e segundo y tercer rond.
Aruba su team ta consisti di e siguiente atletanan:
Shaquille Barry di San Nicolas Taekwondo Center.
Myron Adams di San Nicolas Taekwondo Center.
Joshua Klabér di Brazil Taekwondo Stichting.
Danon Delamore di Brazil Taekwondo Stichting.
Rasheed Lowe di Brazil Taekwondo Stichting.
Hakeem Lowe di Brazil Taekwondo Stichting.
Samuel Rosales di Noord Taekwondo Center.
Pedro Cruz di Noord Taekwondo Center.
 
Aruba por conta cu e teamnan cu a wordo selecta, cu for di awe pa dilanti nan lo bay prepara duro y nan lo para cla pa Corsou.