Home Police Dama turista victima di asalto den centro di cuidad

Dama turista victima di asalto den centro di cuidad

Klipstraat, Oranjestad: Dialuna algo pasa di 9’or di anochi,presencia di polis ta wordo pidi na altura di Driftwood pa un dama turista cu a bira victima di un asalto.
Esaki a sosode den Klipstraat, na altura di Zara. E dama turista despues di a wordo asalta a cana bay Driftwood pa pidi ayudo.

Na yegada di e patruya, enberdad nan ta topa cu e víctima kende ta un dama turista, e dama a declara na polis, cu un homber di mas o menos 1 meter 70, color scur, bisti cu un flanel blanco cu blauw, short blauw, a acerca e dama y a ranca su tas for di dje. Despues e homber a core bay ariba, ela drenta den e hanchi dilanti Driftwood y a bay direccion di Caya G.F. Betico Croes.E dama tabata tin tur su pertenencianan den e tas

Polis a tuma tur datos y a busca den bicindario, pero no a topa cu e asaltante aki. Polis despues di a tuma tur datos for di e dama a hibe su hotel.