Home Politics Prome Minister ta encurasha tur studiante: CU ENERGIA, ENTUSIAMO Y DETERMINACION TA...

Prome Minister ta encurasha tur studiante: CU ENERGIA, ENTUSIAMO Y DETERMINACION TA LOGRA EXITO DEN ESTUDIO

 

 

Na fin di aña escolar, Prome Minister Evelyn Wever-Croes a extende palabranan di felicitacion na tur studiante kendenan a pasa e aña escolar cu exito. Resultado di trabou duro y detarminacion a pone cu e aña escolar cu a pasa tawata exitoso.

 

Premier Wever-Croes ta conseha tur studiante pa gosa e temporada di vakantie y descansa pa asina cuminsa un aña escolar nobo cu energia y yen di animo.

 

Pa e hobennan cu pa un motibo of otro no a logra pasa e aña cu exito, Prome Minister ta encurasha nan pa no laga esaki ta un motibo pa wordo descurasha y stroba. Palabranan di motivacion pa e studiantenan aki ta pa nan tuma e tempo di vakantie pa descansa y pa asina cuminsa un aña escolar nobo cu hopi energia y determinacion y demostra cu den e aña escolar nobo nan lo logra.

 

Prome Minister a remarca cu no ta semper den estudio tur cos ta bay facil y bon. Sinembargo tur cos ta pasa pa un motibo cu awe porta nos no por comprende pero algun dia nos lo comprende y realisa.

 

“Aña escolar nobo ta brinda oportunidadnan nobo na unda cu cada studiante por duna tur di nan parti pa logra. Mi ta gradici cada mayor pa inverti den nos muchanan y pa duna nan e atencion den nan studio. Awo cada mucha y mayor por tuma un tempo pa un descanso chikito pa asina cuminsa un aña escolar nobo yen di energia, entusiamo y determinacion”, Prome Minister a bisa.