Departamento di Aduana kier recorda tur persona di 16 aña bay ariba, biahando pa exterior durante temporada di vakantie grandi di lo siguiente.
Si bo ta bay haci compras di articulonan pa uzo personal of pa negoshi, fabor tene cuenta cu ora drenta Aruba bek, mester declara e mercancia debidamente na Aduana.
Pa productonan di uzo personal, te cu un balor di factura di 400 florin, ta posibel pa importa esakinan sin cu ta necesario pa paga impuesto di importacion. Articulonan cu tin un balor di factura cu ta surpasa
400 florin, mester paga impuesto ariba e producto completo. Tene na cuenta cu articulonan pa uzo
comercial no ta bin na remarke pa exoneracion.
Rekisitonan pa exoneracion di impuesto pa biaheronan:
Pa por bin na remarke di exoneracion di impuesto, e persona mester tin minimo 16 aña di edad y mester
ta den posesion di un ticket di biahe.
Exoneracion pa cierto productonan ta mara na un limite:
Tene cuenta cu si un persona trece mas cu e cantidad indica pa exoneracion, e lo tin di paga impuesto
y/of accijns riba e diferencia.
Lista di productonan mara na un limite pa exoneracion di impuesto y accijns:
Preguntanan mas frecuente ta
Con por haci un declaracion?”Si ta trata di productonan cu ta pa uzo personal por haci un declaracion
verbal na oficina di Aduana situa den e sala di yegada na aeropuerto na momento cu e pasahero yega
for di exterior. Nos tin di remarca cu esaki no ta posibel pa articulonan importa cu tin un meta
comercial of “encomienda”.
Pa loke ta trata “encomienda” of articulonan cumpra den exterior cu tin un meta comercial na Aruba,
Departamento di Aduana ta avisa e biahero pa contrata un Customs Brokers pa haci e declaracion di e
articulonan. Comerciantenan cu ta yega cu articulonan cu meta comercial mester por identifica nan
compania cu un copia di e registro di Camara di Comercio di Aruba como tambe e persoonsnummer
di e compania pa asina por haya un aprobacion pa Invoer Zonder Manifest (IZM verklaring).
Departamento di Aduana ta recomenda tur biahero pa warda tur factura pa asina por calcula e balor di
e producto treci. Si acaso e biahero no tin factura, Aduana lo busca informacion online sin tene cuenta
cu e biahero lo por a cumpra e producto cu un prijs mas barata. P’e motibo aki, nos ta recomenda
warda tur comprobante di pago pa asina haci un calculacion exacto.
Por ultimo Departamento di Aduana ta hasi un suplica grandi na tur biahero tene cuenta cu e
informacionnan comparti, pa asina goza di un vakantie sin preocupacion. Alabes, asina cu haya sa cu a
surpasa e suma di exoneracion, of e cantidad di exoneracion, fabor, pasa directamente na caha pa
paga y no warda te ora Aduana haci su control riba e ekipahe.
Den caso cu tin cualkier pregunta encuanto e trabounan di Aduana of rekisitonan cu tin di haber cu
salida y yegada na aeropuerto, por bishita nos website www.douane.aw of por tuma contacto via nos
emailadres: [email protected]. of yama nos na telefon 523-8888.