Home » Aruba trahando cu PAHO Trinidad and Tobago Mantencion y mehoracion di nos sistema di salud publico ta primordial

Aruba trahando cu PAHO Trinidad and Tobago Mantencion y mehoracion di nos sistema di salud publico ta primordial

by Admin
0 comment 113 views

ORANJESTAD, Aruba: Pa por garantisa un sistema di salud publico optimal y brinda continuidad, Aruba como isla chikito ta traha cu Organisacionan International di Salud pa comparti conocemento y tambe haya guia y sosten unda cu mester riba topico di salud.

Pa hopi aña Aruba tawata traha di serca cu PAHO Venezuela, pero recientemente debi na e situacion na Venezuela a uni cu PAHO Trinidad and Tobago pa continua cu e trabounan riba e materia aki. E siman aki, Ms. Nicola Taylor kende ta di PAHO Program Management Specialist pa Aruba, Curacao, Sint Maarten, Bonaire, Sint Eustatius y Saba tawata na Aruba pa cera conosi cu Minister di Salubridad Publico y Director di Departamento di Salud Publico. Durante e bishita aki e representante a haya un presentacion di nos systema di salud y tambe riba e situacion di salud di nos comunidad.

Hunto cu Departamento di Salud Publico a discuti varios topico riba nos sistema di salud actual y e diferente factornan cu tin influencia riba salud di e comunidad den nos region. A repasa tur locual e ser logra den e ultimo 4 añanan desde cu a inicia e plan di cooperacion strategico y tambe kiko tur mester continua na desaroya den e sigiente dos añanan. Di e manera aki hunto cu e otro paisnan sigui colabora y mehora e sistema di salud na Aruba y den region.

Durante di e bishita e representante tambe a bishita diferente instancia di salud entre otro Hospital y IBISA pa por tin un bista mas completo di nos sistema di salud. Na final e representante a bandona Aruba hopi satisfecho di tur loke Aruba a logra caba riba tereno di salud y tambe contento di por sigui traha di serca cu Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio