Refree ta Brilla cu su ausencia y wega ta keda cancela

Diasabra 28 di April 2018 mester a tuma lugar den Stadion Frans Figaroa na Noord e wega

entre e equipo cu ta comanda e tabla di posicion grupo A cu ta FC Porto contra e muchanan

di Chocolate City FC San Nicolaas cu ta na di 4to lugar riba e tabla di posicion.

Momento cu wega mester a cuminsa e equipo nan a wordo informa cu e arbitro principal

no tabata tey presente ni tampoco un di su asistente nan.

E asistente cu tabata tey presente a hiba un combersacion cu ambos equipo , si nan lo

tabata dispuesto pa e dirigi e wega den e caso aki su so, pero un desicion a wordo tuma di

banda di un di e equipo nan cu nan lo prefera di no hunga sin asistente, y e momento ey desicion

a cai cu lo cancela e wega.