Home » Brazil Taekwondo Stichting su team di Train Hard Fight Smart ta den pleno preparacion.

Brazil Taekwondo Stichting su team di Train Hard Fight Smart ta den pleno preparacion.

by Admin
0 comment 98 views

Diasabra mainta trempan e team di “Train Hard Fight Smart” a cuminsa cu preparacion na Grape Field. Training a cuminsa ariba un tono mas halto pa e eventonan cu tin dilanti porta, manera e Gold Coast Taekwondo Cup, Open di Surinam y Aruba Open.

Awo cu un otro di e rumannan Klabér ta drentando den e parti di adulto y e contrincantenan ta un tap mas cu nan, ta pone cu a cuminsa prepara pa e etapa aki. Mester busca contrincantenan den exterior. Surinam Open ta un di e prome campeonatonan di adulto na unda cu nan por cuminsa midi nan mes. Na luna di Juli nan ta bay Europa pa training y campeonato y ex campeon Mundial y Coach Olimpico Henk Meijer ta bay guianan. Tur esaki ta pa prepara nan pa e Open di Costa Rica cu ta un G1.

Otro siman nan ta bay ta den e mannan di Rene Wild pa e guianan na un manera structura y profesional. Poco poco nan ta cuminsa subi y drenta den e arena di adulto, pero nan mester cuminsa for di abou bin ariba. E diferencia di junior pa adulto ta hopi mas halto cu hopi cu no sa miho ta pensa. Ora ta papia di Ranking ta e cos. Un cu no tin ranking ta enfrenta un cu si tin ranking, specialmente na e eventonan di G1, G2, G8 etc. Pa nos atletanan ta bon prepara nos ta cuminsa build nan up na e manera aki y cu hendenan profesional.

Brazil Taekwondo Stichting ta conoci pa produci atletanan elite. Brazil Taekwondo Stichting ta conta cu atletanan den categoria manera cadet, junior y awo Adulto. Nos meta ta pa yega na top, e ta un caminda largo pero nos lo yega cu e Poder di Dios cu semper tey hunto cu nos.      

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio